متى ترد الجزائر للمغرب أراضيه المسروقة؟

 

بقلم: رضوان الرمضاني

واش سمعتو باللي الرئيس الموريطاني الجديد تناول عن جزء من راتبه الشهري، وأمر وزراء حكومته بأن يفعلوا الأمر نفسه؟ السبب هو أن موريطانيا تعاني أزمة اقتصادية خايبة تهدد بعض مناطقها بالمجاعة. هادو إيلا كالو عندهم العهد الجديد جات معاهم، أما حنا غير دايزين عليه.

لا يمكن أن نطالب الملك أو وزراءه بأن يحذوا حذو الأشقاء الموريطانيين. آسيدي اللي عندو شي مانضة يخليها عندو، ولكن ها العار إيلا ما يتكايسو علينا من داك الشي ديال الديبلاصمات راه هلكنا.

الوزير الحبيب المالكي مثلا يقضي  العام كله في التجول بين الأكاديميات. تبارك الله عليه مازال شاب وباغي يخدم، ولكن بالتأكيد لو كانت هذه التحركات تتم بالمجان، وهو ما يجب أن يكون في دولة مهووسة بالتوازنات المالية، والله لا عفط فشي بلاصة.

الإعلام الرسمي وشي حلوق الله يعطيها الحلاقم، ظلت تقول عن الحسن الثاني إنه الرياضي الأول والسياسي الأول والمثقف الأول والفنان الأول... وبما أن وارث سره باغي يقطع مع الماضي ما عليه إلا أن يكون " الكريم الأول". إن حدث وأعلن أنه يتنازل عن جزء من تعويضاته لصالح خدمة اجتماعية ما سنصفق بحرارة ونكولو ليه برافو الله يعطيك الصحة. وكاع يلا ما بغاش ينقص من الصالير، اللي ما كنعرفوش شحال، ينقص غير شي شوية من ليفري ديال الديبلاصمات. 

هذا هو الواجب الأول ل "الخديم الأول" للشعب.

نُشِر المقال في يونيو 2007 بملجة نيشان